21. 2. 2020: Vladimír Kuštek: Československý svet v Karptoch 2 / Чехословацькый світ в Карпатах 2

27. новембра 2018 сьме на нашій інтернетовій сторінцї писали, же выйде книжка „Československý svet v Karpatoch“ / Чехословацькый світ в Карпатах, котру выдавать Здружіня інтеліґенції Русинів Словеньска в авторстві Владиміра Куштєка. Писали сьме, же публікація буде мати тексты в чеськім, словацькім і русиньскім языку, выходить з фінанчнов підпоров Фонду на підпору културы народностных меншын і є вкладом той орґанізації ку святкованю сторічніцї републікы.

Теперь ся нам дістав до рук 2. том той інтересной і цїнной публікації, нелем што до текстового обсягу, но іщі веце до богатой і цїнной ілуcтрачной части. Выдало го Здружіня інтеліґенції Русинів Словеньска (Братїслава, 2019, 192 стор., ISBN: 978-80-973455-0-1), тыж за помочі фінанцій з Фонду на підпору културы народностных меншын. Вышла тыж тройязычно і єй автором є тот самый писатель.